වමත් කරුවන් (Left Handers) හට ගිටාර් වාදනය කිරීමට දැනගත යුතු මුලික කරුණු සහ කෝඩ්ස් අවබෝධයෙන් ඉගෙන ගනිමු.

සුභ දවසක් සියළු දෙනාටම. අද දින මනා කියන්න හදන්නෙ ගිටාර් වාදනය සම්බන්ධ ලිපියක්. නමුත් මෙම පෝස්ටුව ගොඩක් වැදගත් වෙන්නෙ වමත හුරු අත වූ අය එහෙම නැත්තම් වමත් කරුවන් සඳහායි. මෙය කලින් කතා කරන ලද ගිටාර් වාදනය මුල සිටම අවබෝධයෙන් ඉගෙන ගනිමු - 1 සහ 2 පෝස්ටුවල  පළවූ කරුණුම වමත් කරුවන් හට ගැලපෙන පරිදි සැකසූ පෝස්ටුවකි. මෙම පෝස්ටුවෙන් පසුව අපගේ සුපුරුදු ගිටාර් පාඩම් මාලාව ඉදිරියට එලෙසම පළවනු ඇත.නමුත් ඉදිරියේදී ඒ සෑම පෝස්ටුවකදිම දකුණත් සහ වමත් කරුවන් යන දෙගොල්ලන්ම විසින් ගිටාරය හුරුවිය යුතු ආකාරයන් දෙකම ඇතුලත් කරන්න තමා මනා හිතන් ඉන්නේ. මනාට මෙසේ වමත් කරුවන් හට ගැලපෙන විදිහටත් දාන්න කියල ඉල්ලීම් කිහිපයක්ම ලැබුණු නිසා තමයි මේ විදිහට කරන්න හිතුනෙ. නමුත් මනාට මෙය අලුත් අත්දැකීමක්. මොකද මනා කියල කියන්නෙත් දකුණත් කරුවෙක් නිසා :D. ඉතින් දෙගොල්ලන්ටම සාධාරණයක් වෙන්න ඕනෙ නිසා කොහොම හරි මේක කරන්න ඕනෙ කියල හිතා ගත්ත. මේකට ඔයාල සියළු දෙනාගෙම සහයෝගය ලැබෙයි කියල හිතනවා. හරි  එහෙනම් මාතෘකාවට යමු.

මුලින්ම දැනගන්න ඕන කරන දේවල් ටිකක් තියෙනවා. ඒ තමයි වමත් කරුවන් සඳහා ගිටාරයක් තෝරා ගන්නෙ කොහොමද කියන එක. ලෝකයේ ඇති සංගීත භාණ්ඩ නිෂ්පාදනය කරන ආයතන වමත් කරුවන් සඳහාම වූ ගිටාරයන් නිෂ්පාදනය කරනු ලබනවා. එවැනි විශේෂිත වූ ගිටාරයක් ඇති විට කිරීමට ඇත්තේ මුලික කරුණු දැනගෙන ඉදිරියට ඉගෙන ගැනීමයි. පහත රුපයේ ඇත්තේ එවැනි වමත් කරුවන් වෙනුවෙන් නිපදවූ ගිටාරයකි.

මිට අමතරව ඔබට අවශ්‍ය නම් දකුණත් කරුවන් සඳහා ඇති ඕනැම ගිටාරයක් ගෙන වමත් කරුවෙක්ට වාදනය කිරීමට සුදුසු පරිදි සකසා ගත හැකිය. එවිට කිරීමට ඇත්තේ දකුණත් කරුවන් සඳහා ඇති ගිටාරයේ ඇති තත් (Strings) හය ඇති පිළිවෙල අනිත් පැත්තට හැරවීමයි. සරලවම කිවොත් දකුණත් කරුවෙක්ගෙ ගිටාරයක් ඉස්සරහින් ලොකු කන්නාඩියක් තැබූ විට එමගින් පෙනෙන ප්‍රතිබිම්භයේ පරිදි තත් හය සකසා ගැනීමයි. පහත රූපය බැලුවහම ඔයාලට තවත් හොඳින් වැටහේවි.

එවිට ගිටාරයේ තත් වල පිළිවෙල පහත රුපයේ සඳහන් කර ඇති ලෙස වෙනස් වේ. 

ඒ විදිහට ඕනෑම වමත් කරුවෙක් සඳහා ගිටාරය වාදනය කිරීමට සුදානම් කරගන්න පුළුවන්. එවිට ගිටාරයේ ස්වර පුවරුව (Fret board) මත තබන්නේ වමත් කරුවාගේ දකුණු අතේ ඇඟිලියි. දකුණු අතෙහි ඇඟිලි අංක කරන්නේ මෙසේයි.

වමත් කරුවෙක් සඳහා ගිටාරය සුසර (Tune) කරගන්නේ කෙසේද?

ගිටාරය සුසර කරගන්නේ මෙහෙමයි.

මෙම පොස්ටුවට අදාලව ගිටාරයේ ෆ්රෙට්ස් (Frets) අංක කරන්නේ මෙසේයි.

 

ගිටාරයේ කෝඩ්ස් අල්ලන අකාරය අඳින විට පහත සලකුණු යොදා ගන්නවා

දැන් අපි බලමු ගිටාර් වාදනය මුල සිටම අවබෝධයෙන් ඉගෙන ගනිමු - 2 පොස්ටුවේදී කතා කරපු මේජර් සහ මයිනර් ඕපන් (Open) කෝඩ්ස් කොහොමද වමත් කරුවන්ට අල්ලන්න පුරුදුවෙන්නේ  කියල.

Major (මේජර්) කෝඩ්ස් අල්ලන ආකාරය  

C Major (මේජර්)

D Major (මේජර්)

E Major (මේජර්)

F Major (මේජර්)

G  Major (මේජර්)

A  Major (මේජර්)

B  Major (මේජර්)

Minor (මයිනර්) කෝඩ්ස් අල්ලන ආකාරය 

Cm  (C  මයිනර්)

Dm (D මයිනර්)

Em (E මයිනර්)

Fm (F  මයිනර්)

Gm (G මයිනර්)

Am (A මයිනර්)

Bm (B මයිනර්)

මෙම පෝස්ටුවේදී මනාට කියන්න ඕනවුනේ වමත් කරුවෙකුට කෝඩ්ස් ටික වාදනය කරන්න ඉගෙනගන්නෙ කොහොමද කියල විතරයි. මෙම කෝඩ්ස් වල තියෙන ස්වර සහ අනිත් තොරතුරු කලින් පළවූ ගිටාර් වාදනය මුල සිටම අවබෝධයෙන් ඉගෙන ගනිමු - 1 සහ ගිටාර් වාදනය මුල සිටම අවබෝධයෙන් ඉගෙන ගනිමු - 2 පාඩම් වල කතා කරපු නිසා ඒවා ගැන වැඩි දුරටත් මෙම පෝස්ටුවේදී කතා කලේ නෑ. මෙම පෝස්ටුවේ අරමුණ වුයේ මෙම බ්ලොග් එක පරිශීලනය කරල ගිටාර් ඉගෙනගන්නා දකුණත් සහ වමත් කරුවන් එකම මට්ටමකට ගැනීමයි. ඊළඟට පළ වෙන ගිටාරය ඉගෙන ගැනීම සම්බන්ධ පොස්ට් වල සිට මෙම දෙගොල්ලන්ටම එකම විදිහට ඉදිරියට ඉගෙන ගැනීමට එතකොට අවස්ථාව ලැබෙනවනෙ. ඉතින් මෙම පෝස්ටුවේ ගැටළු කාරී තැනක් තියෙනවනම් කමෙන්ට් එකක් දාන්න කියල ඔයාලට මතක් කරන්න කැමතියි. එහෙනම් ඉදිරියේදී තවත් පෝස්ටුවකින් හමුවෙමු. හැම දෙනාටම ජය වේවා!!!